جنوبی افریقہ کیخلاف دوسرے ٹی ٹونٹی کے لیے قومی ٹیم میں ایک تبدیلی کا اعلان

جہانداد خان دوسرے ٹی ٹونٹی کے لیے پاکستانی الیون میں سفیان مقیم کی جگہ لیں گے

ذیشان مہتاب جمعہ 13 دسمبر 2024 16:32

سنچورین (اردو پوائنٹ تازہ ترین اخبار ۔ 13 دسمبر 2024ء ) پاکستان ٹیم مینجمنٹ نے آج جنوبی افریقہ کے خلاف دوسرے ٹی ٹوئنٹی میچ کے لیے اپنی پلیئنگ الیون میں ایک تبدیلی کا فیصلہ کیا ہے۔

بائیں ہاتھ کے بولنگ آل راؤنڈر جہانداد خان نے دوسرے میچ کے لیے چائنا مین سفیان مقیم کی جگہ لی ہے۔

زمبابوے T20I سیریز میں شاندار باؤلنگ کرنے والے سفیان مقیم نے پروٹیز کے خلاف پہلے T20I میں کچھ زیادہ رنز دیئے۔

(جاری ہے)

ڈیوڈ ملر نے نوجوان اسپنر کی دھلائی کی جس نے اپنے چار اوورز میں 53 رنز دیے۔

جہانداد خان نے گزشتہ ماہ آسٹریلیا کے خلاف ہوبارٹ میں اپنا T20I ڈیبیو کیا تھا۔ انہوں نے ایک وکٹ حاصل کی اور اپنے ڈیبیو پر اپنے تین اوورز میں 17 رنز دیے۔ اب تک بائیں ہاتھ کے بولر نے چار میچوں میں چار وکٹیں حاصل کی ہیں۔