انڈر 19 ویمن ٹی ٹوئنٹی ورلڈ کپ میچ کے دوران گراؤنڈ میں سانپ نکل آیا

انگلینڈ ویمن ٹیم کی بیٹر جمائیمہ اسپینسر نے بلّے کی مدد سے سانپ کو پِچ سے ہٹایا

ہفتہ 18 جنوری 2025 13:10

کوالالمپور (اُردو پوائنٹ اخبارتازہ ترین - این این آئی۔ 18 جنوری2025ء) انڈر 19 ویمن ٹی ٹوئنٹی ورلڈ کپ کے ایک میچ کے دوران گراؤنڈ میں سانپ نکل آیا۔

ملائیشیا میں انگلینڈ اور آئرلینڈ ویمن ٹیموں کا میچ جاری تھا کہ اس غیر متوقع واقعے کی وجہ سے میچ کو کچھ دیر کے لیے روکنا پڑا۔

(جاری ہے)

انگلینڈ کی بیٹر جمائیمہ اسپینسر نے بہادری کا مظاہرہ کرتے ہوئے بلے کی مدد سے سانپ کو پچ سے ہٹا دیا۔

اس دوران گراؤنڈ اسٹاف بھی موقع پر پہنچا اور سانپ کو میدان سے باہر نکال دیا۔

بعد ازاں دونوں ٹیموں کے درمیان یہ میچ بارش کی وجہ سے منسوخ کر دیا گیا۔