آئی سی سی ویمنزانڈر19 ٹی ٹوئنٹی ورلڈ کپ : پاکستان نے ساموآ کو 52 رنز سے ہرا دیا

جمعہ 24 جنوری 2025 19:05

جوہور (اُردو پوائنٹ اخبارتازہ ترین - این این آئی۔ 24 جنوری2025ء) آئی سی سی ویمنز انڈر19 ٹی ٹوئنٹی ورلڈ کپ کے پلے آف میچ میں پاکستان انڈر 19 نے ساموآ انڈر 19 کو 52 رنز سے شکست دے دی،اس میچ کی خاص بات ہانیہ احمر کی عمدہ بولنگ تھی جنہوں نی17 رنز دے کر 4 وکٹیں حاصل کیں،یاد رہے کہ دونوں ٹیمیں سپر سکس مرحلے میں پہنچنے میں کامیاب نہیں ہو پائیں،ساموآ کی ٹیم پہلی مرتبہ آئی سی سی ویمنز انڈر 19 ٹی ٹوئنٹی ورلڈ کپ میں حصہ لے رہی ہے۔

(جاری ہے)

جمعہ کو کھیلے گئے میچ میں ساموآ انڈر 19 نے ٹاس جیت کر پاکستان انڈر 19 کو بیٹنگ دی جس نی20 اوورز میں 8 وکٹوں پر 136 رنز بنائے،پاکستان کی اننگز میں ماہم انیس نے تین چوکوں کی مدد سے 28 رنز اسکور کیے۔فاطمہ خان نے ایک چھکے اور تین چوکوں کی مدد سی25 رنز کی اننگز کھیلی،نوراہ جیڈ سلینا نی20 رنز دے کر3 وکٹیں حاصل کیں۔ساموآ کی ٹیم جواب میں 18.5 اوورز میں 84 رنز بناکر آؤٹ ہوگئی۔ ویرا فیرن 19 رنز کے ساتھ ٹاپ اسکورر رہیں۔میڈیم فاسٹ بولر ہانیہ احمر سب سے کامیاب بولر رہیں انہوں نے 17 رنز دے کر 4 وکٹیں حاصل کیں۔ قرةالعین اور فاطمہ خان نے دو دو کھلاڑیوں کو آؤٹ کیا۔