زیرگردش کرنسی کے حجم میں ہفتہ واربنیادوں پراضافہ ،زروسیع میں کمی ریکارڈ

بدھ 26 فروری 2025 13:40

اسلام آباد (اُردو پوائنٹ اخبارتازہ ترین - اے پی پی۔ 26 فروری2025ء) زیرگردش کرنسی کے حجم میں ہفتہ واربنیادوں پراضافہ اور زروسیع (ایم ٹو) میں کمی ریکارڈکی گئی ہے۔سٹیٹ بینک کی جانب سے جاری کردہ اعدادوشمارکے مطابق 14فروری کوختم ہونے والے ہفتہ میں زیرگردش کرنسی کاحجم 9524ارب روپے ریکارڈکیاگیا جوپیوستہ ہفتہ کے مقابلہ میں 0.4فیصدزیادہ ہے،پیوستہ ہفتہ میں زیرگردش کرنسی کاحجم 9490ارب روپے ریکارڈکیاگیاتھا، جاری مالی سال کے آغازسے اب تک زیرگردش کرنسی کے حجم میں مجموعی طورپر4فیصداضافہ ہواہے۔

(جاری ہے)

سٹیٹ بینک کے مطابق 14فروری کوختم ہونے والے ہفتہ میں زروسیع کاحجم 35285ارب روپے ریکارڈکیاگیا جوپیوستہ ہفتہ کے مقابلہ میں 0.5فیصدکم ہے،پیوستہ ہفتہ میں ایم ٹوکاحجم 35460ارب روپے ریکارڈکیاگیاتھا،جاری مالی سال کے آغازسے اب تک ایم ٹو میں مجموعی طورپر3.5فیصدکی کمی ہوئی ہے۔سٹیٹ بینک کے مطابق 14فروری کوختم ہونے والے ہفتہ میں بینکوں کے ڈیپازٹس کاحجم 25713ارب روپے ریکارڈکیاگیا جوپیوستہ ہفتے کے مقابلہ میں 0.8فیصدکم ہے، پیوستہ ہفتہ میں بینکوں کے ڈیپازٹس کاحجم 25921ارب روپے ریکارڈکیاگیاتھا۔

Facebook Twitter Google + Share on Whatsapp

زیرگردش کرنسی کے حجم میں ہفتہ واربنیادوں پراضافہ ،زروسیع میں کمی ریکارڈ

مزید تجارتی خبریں