آسکر کی 97ویں تقریب، 3مارچ کو منعقد ہوگی

آسکر ایوارڈز کی اس تقریب کا انتظار دنیا بھر کے شائقین کے لیے بے حد دلچسپی کا باعث ہے

ہفتہ 1 مارچ 2025 10:40

لاس اینجلس (اُردو پوائنٹ اخبارتازہ ترین - این این آئی۔ 01 مارچ2025ء)فلمی دنیا کے سب سے بڑے ایوارڈز، آسکر کی 97ویں تقریب 3مارچ 2025کو منعقد ہوگی۔ اکیڈمی ایوارڈز کے منتظمین نے اس تقریب کی نشریات کے حوالے سے اہم اعلان کیا ہے۔اس بار آسکر ایوارڈز کی تقریب جیو ہاٹ اسٹار پر لائیو نشر کی جائے گی، جو پاکستانی شائقین کیلئے صبح 6بجے دستیاب ہوگی۔اس کے علاوہ، آسکر کی 97ویں تقریب کو اسٹار موویز اور اسٹار موویز سلیکٹ پر بھی 3مارچ 2025کو صبح 6بجے نشر کیا جائے گا۔

(جاری ہے)

مداح اس ایونٹ کو دوبارہ اسٹار موویز اور اسٹار موویز سلیکٹ پر اسی دن صبح 9بجے دیکھ سکیں گے۔اس سال کے آسکر ایوارڈز میں کئی مشہور ہستیاں شامل ہوں گی، جن میں اسٹرلنگ کے براون، جوئے الوین، ولیم دوفے، آنا دے آرمس، گولڈی ہان، اور اوپرا ونفرے جیسے نام شامل ہیں۔علاوہ ازیں، ہیلی بیری، پینیلوپی کروز، ایلے فیننگ، ووپی گولڈ برگ، اسکارلیٹ جوہانسن اور دیگر معروف شخصیات تقریب کی میزبانی کریں گی۔ رابرٹ ڈاونی جونیئر، ایما اسٹون، کلین مرفی اور دیواین جوی رندالف ایوارڈز پیش کریں گے۔آسکر ایوارڈز کی اس تقریب کا انتظار دنیا بھر کے شائقین کے لیے بے حد دلچسپی کا باعث ہے۔