چین میں منعقدہ بین الاقوامی تجارتی نمائش میں شرکت کے لئے درخواستیں طلب

بدھ 5 مارچ 2025 13:08

اسلام آباد (اُردو پوائنٹ اخبارتازہ ترین - اے پی پی۔ 05 مارچ2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ چین میں منعقد ہونے والی بین الاقوامی تجارتی نمائش ’’ آٹھویں چائینہ انٹرنیشنل امپورٹ ایکسپو‘‘ میں شرکت کے لئے 24 مارچ تک درخواستیں جمع کروائی جاسکتی ہیں ۔

(جاری ہے)

ٹی ڈی اے پی کی جانب سے جاری تفصیلات کے مطابق نمائش چین میں 5 نومبر سے 10 نومبر تک جاری رہے گی جس میں ٹیکسٹائل ، گارمنٹس ، چاول ، آلات جراحی، الیکٹرانکس ، آٹو موبائل ، زرعی مصنوعات اور سروسز سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔