49 ویں دارالسلام انٹرنیشنل ٹریڈ فیئر میں شرکت کے لئے درخواستیں 12 مارچ تک طلب

جمعرات 6 مارچ 2025 17:07

اسلام آباد (اُردو پوائنٹ اخبارتازہ ترین - اے پی پی۔ 06 مارچ2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ تنزانیہ میں منعقد ہونے والی بین الاقوامی تجارتی نمائش ’’ 49 ویں دارالسلام انٹرنیشنل ٹریڈ فئیر‘‘ میں شرکت کے لئے 12 مارچ تک درخواستیں جمع کروائی جاسکتی ہیں ۔

(جاری ہے)

ٹی ڈی اے پی کے مطابق 16 روزہ نمائش تنزانیہ میں 28 جون سے 13 جولائی تک جاری رہے گی جس میں چمڑے کی مصنوعات ، الیکٹرانکس ، ٹیکسٹائل ، کاسمیٹکس ، دستکاری ، زراعت ، فنانشل سروسز ، ٹرانسپورٹ ، رئیل سٹیٹ ، سیاحت ، فارماسیوٹیکل اور مشینری کے شعبے سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔