جننگ فیکٹریوں کو کچرے وجننگ ویسٹ کو 31مارچ تک تلف کرنے کی ہدایت

بدھ 12 مارچ 2025 16:58

فیصل آباد (اُردو پوائنٹ اخبارتازہ ترین - اے پی پی۔ 12 مارچ2025ء) جننگ ویسٹ کپاس کی سنڈیوں اور دوسرے ضرر رساں کیڑوں کیلئے پناہ گاہ ثابت ہوتاہے لہٰذا جننگ فیکٹریاں کچرے وجننگ ویسٹ کو 31مارچ تک ہر صورت تلف کر دیں بصورت دیگر ان کے خلاف سخت کارروائی عمل میں لائی جائے گی اور بعد ازاں کوئی عذر قا بل قبول نہ ہو گا۔

(جاری ہے)

نظامت زرعی اطلاعات محکمہ زراعت کے ترجمان نے بتایا کہ محکمہ زراعت کے افسران جننگ فیکٹریوں کے مالکان سے رابطہ کرکے کچرے وجننگ ویسٹ کی تلفی کو یقینی بنا رہے ہیں تاہم یہ فیکٹری مالکان کا بھی فرض ہے کہ وہ زرعی ترقی اور معاشی استحکام میں اپنا کردار ادا کریں۔

انہوں نے کہا کہ جننگ فیکٹریوں کے کچرے کی تلفی کا مقصد کپاس کی آئندہ فصل کو کیڑوں اور سنڈیوں سے محفوظ بنانا ہے۔انہوں نے کہا کہ اگر کپاس کی فصل کیڑ ے مکوڑوں اور بیماریوں کے حملے سے محفوظ رہے گی تو کاشتکار اچھی فصل حاصل کر سکیں گے جس کا فائدہ تمام سٹیک ہولڈرز کو بھی ہو گا۔

Facebook Twitter Google + Share on Whatsapp

جننگ فیکٹریوں کو کچرے وجننگ ویسٹ کو 31مارچ تک تلف کرنے کی ہدایت

متعلقہ عنوان :

مزید زراعت کی خبریں