شہتوت کی کاشت سے فی پودا 10مکسر فٹ لکڑی حاصل کی جا سکتی ہے،ماہرین زراعت

بدھ 12 مارچ 2025 16:58

فیصل آباد (اُردو پوائنٹ اخبارتازہ ترین - اے پی پی۔ 12 مارچ2025ء) ماہرین زراعت نے کہا ہے کہ رواں موسم بہار میں شہتوت کا پودا کاشت کرنے والے کاشتکار آئندہ 15برسوں میں ایک پودے سے 10مکسر فٹ لکڑی حاصل کر سکتے ہیں جس سے نہ صرف ملک میں لکڑی کی قیمتوں میں استحکام آئے گا بلکہ کاشتکاروں کو بھی 10سے 15سال میں اچھی اور معقول رقم حاصل ہو سکے گی ۔

(جاری ہے)

ایک بیان میں جامعہ زرعیہ فیصل آباد کے زرعی ماہرین نے بتا یا کہ 10مکسرفٹ میں 5من لکڑی ہوتی ہے جو گیلی حالت میں بھی فروخت کے قابل ہوتی ہے، یہ لکڑی خاص طور پر کھیلوں کے سامان میں استعمال ہوتی ہے نیز کرکٹ بیٹ، ہاکی اور ٹینس ریکٹ اسی لکڑی سے تیار ہوتے ہیں، شہتوت کی لکڑی کو کشتی سازی اورفرنیچر میں بھی قابل بھروسہ قرار دیا گیا ہے۔

انہوں نے کہا کہ کاشتکار اس سلسلے میں مزید معلومات،مشاورت اور رہنمائی کےلئے محکمہ زراعت کے فیلڈ سٹاف یا فری ہیلپ لائن سے رابطہ کر سکتے ہیں۔