لاہور میں منعقد ہونے والی بین الاقوامی تجارتی نمائش میں شرکت کے لئے درخواستیں 25 مارچ تک طلب

منگل 18 مارچ 2025 17:27

اسلام آباد (اُردو پوائنٹ اخبارتازہ ترین - اے پی پی۔ 18 مارچ2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ لاہور ایکسپو سینٹر میں منعقد ہونے والی بین الاقوامی تجارتی نمائش ’’ چوتھی ہیلتھ ، انجینئرنگ اینڈ منرل نمائش ‘‘ میں شرکت کے لئے 25 مارچ تک درخواستیں جمع کروائی جاسکتی ہیں ۔

(جاری ہے)

ٹی ڈی اے پی کی جانب سے جاری تفصیلات کے مطابق نمائش ایکسپو سینٹر لاہور میں 17 اپریل سے 19 اپریل تک جاری رہے گی جس میں معدنیات ، ہیلتھ اور انجینئرنگ کے شعبے سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔