مکہ اورمدینہ میں ایک ہفتے کے دوران 9.7 ہزار ٹرانسپورٹ خلاف ورزیاں ریکارڈ

جمعرات 20 مارچ 2025 16:46

ریاض(اُردو پوائنٹ اخبارتازہ ترین - این این آئی۔ 20 مارچ2025ء)سعودی ٹرانسپورٹ جنرل اتھارٹی(ٹی جی ای)کی تفتیشی ٹیموں نے 9 سے 15 مارچ 2025 کے دوران مکہ اور مدینہ میں 65 ہزار 898 انسپیکشن کئے ہیں ۔میڈیارپورٹس کے مطابق اتھارٹی کا کہنا تھا کہ رمضان کے دوسرے ہفتے میں خلاف ورزیوں کی تعداد میں کمی ریکارڈ کی گئی۔رمضان کے پہلے ہفتے میں 12.6 ہزار خلاف ورزیاں ریکارڈ کی گئی تھیں جبکہ دوسرے ہفتے میں 9.7 ہزار سے زائد خلاف ورزیاں ریکارڈ پر آئیں۔

مدینہ منورہ میں 2.7 ہزار اور مکہ مکرمہ میں خلاف ورزیاں 7 ہزار سے تجاوز کر گئیں۔تفتیشی ٹیموں نے مکہ مکرمہ میں بڑے پارکنگ ایریاز، کنگ عبدالعزیز ایئرپورٹ، چیک پوائنٹ، النواریہ، ٹرین سٹیشن، مدینہ منورہ میں امیر محمد بن عبدالعزیز ایئرپورٹ، مسجد قبا، میقات مساجد، الحرمین ٹرین سٹیشن پر معائنے کیے۔

(جاری ہے)

سب سے زیادہ خلاف ورزیاں بسوں میں ریکارڈ کی گئیں۔

نمایاں خلاف ورزی ڈرائیوروں کا ڈریس کوڈ پر عمل نہ کرنا، کارڈ کے بغیر کام کرنا ہے۔ ٹیکسیوں کی نمایاں خلاف ورزیوں میں آپریٹنگ کارڈ کے بغیر کام کرنا، ڈریس کوڈ پر عمل نہ کرنا اور قواعد و ضوابط پر مکمل عمل نہ کرنا شامل ہے۔ اتھارٹی کی ٹیمیں مملکت کے مختلف علاقوں میں فیلڈ مہم جاری رکھے ہوئے ہیں اس کا مقصد خلاف ورزیوں کو کنٹرول کرنا ہے۔