یو اے ای کے مرکزی بینک کا سات مالیاتی اداروں کو 26 لاکھ درہم جرمانہ

منگل 25 مارچ 2025 15:57

ابو ظہبی (اُردو پوائنٹ اخبارتازہ ترین - اے پی پی۔ 25 مارچ2025ء) متحدہ عرب امارات کے مرکزی بینک نے پانچ بینکوں اور دو انشورنس کمپنیوں پر 26 لاکھ 21 ہزار درہم کے مالی جرمانے عائد کئے ہیں۔امارات نیوز ایجنسی وام کے مطابق مرکزی بینک نے رپورٹنگ قواعد (سی آر ایس) اور غیر ملکی اکاؤنٹ ٹیکس تعمیل ایکٹ (ایف اے ٹی سی اے) سے متعلق رپورٹنگ کے تقاضوں کی عدم تعمیل پر 7 مالیاتی اداروں پر 26 لاکھ درہم سے زائد جرمانہ عائد کئے ہیں جن میں پانچ بینک اور دو انشورنس کمپنیاں شامل ہیں ۔

(جاری ہے)

مرکزی بینک کے مطابق، ان مالیاتی اداروں نے مالیاتی رپورٹنگ میں درستگی اور جانچ پڑتال کے مقررہ عالمی معیارات پر عمل نہیں کیا، حالانکہ ان اداروں کو خامیاں دور کرنے کے لئے کافی وقت دیا گیا تھا۔سی بی یو اے ای نے وضاحت کی کہ یہ اقدام متحدہ عرب امارات کے مالیاتی نظام کے معیار کو بہتر بنانے کی کوششوں کا حصہ ہے، جو عالمی شفافیت، ٹیکس نظام کی دیانتداری اور ٹیکس چوری کی روک تھام سے متعلق بین الاقوامی اقدامات کے ساتھ ہم آہنگ ہے۔ یہ اقدامات یو اے ای کو ایک ایسا مالیاتی مرکز بنانے میں مدد دیتے ہیں جو عالمی بہترین طرزِعمل پر عمل پیرا ہے۔\932