قاضی حسین احمد میڈیکل کمپلیکس ایم ٹی آئی نوشہرہ نے عیدالفطر کے دوران مختلف شعبہ جات کی کارکردگی رپورٹ جاری کردی

جمعہ 4 اپریل 2025 10:40

پشاور (اُردو پوائنٹ اخبارتازہ ترین - اے پی پی۔ 04 اپریل2025ء) قاضی حسین احمد میڈیکل کمپلیکس ایم ٹی آئی نوشہرہ کی انتظامیہ نے عیدالفطر کے دوران ہسپتال کے مختلف شعبہ جات کی کارکردگی رپورٹ جاری کردی ۔ہسپتال تر جمان کے مطابق عیدالفطر کے تین دنوں کے دوران ہسپتال میں ، سرجری، میڈیکل، ڈینٹل، ریڈیالوجی، ڈائیلاسز، انستھیزیا،آرتھوپیڈک اور پیتھالوجی ڈیپارٹمنٹس مکمل طور پر فعال تھے۔

(جاری ہے)

ایکسیڈنٹ اینڈ ایمرجنسی ڈیپارٹمنٹ اور ٹراما سینٹر میں عیدالفطر کے دوران 2594 مریضوں کا معائنہ کیا گیاجن میں سے 174 مریض داخل ہوئے، 1883 لیباٹری ٹیسٹ کئے گئے ساتھ ہی 338 مریضوں کا ایکسرے کیا گیا،161 مریضوں کا الٹراساؤنڈ کیا گیا اور 7 مریضوں کے سٹی سکین کیے گئے۔ گائنی وارڈ میں 151مریضوں کا معائنہ ہوا جس میں 39 نارمل ڈیلیوری اور 9 سی ایکشن ہوئے۔ڈائیلاسز یونٹ میں 53مریضوں کے ڈائیلاسز سیشنز کیے گئے۔ مین آپریشن تھیٹر میں 8 مریضوں کے آپریشن کیے گئے۔ مزید برآں ہسپتال ڈائریکٹر ایسوسی ایٹ ڈاکٹر پروفیسر کامران حکیم خان اور میڈیکل ڈائریکٹر پروفیسر ڈاکٹر سردار سہیل افسر نے متعلقہ وارڈز کے سٹاف کو ہر قسم کے ہنگامی حالات کے لیے مکمل طور پر تیار رہنے کی ہدایات جاری کیں۔