مظفر آباد میں ایس ایچ او کی کارروائی،بدنام زمانہ منشیات فروش گرفتار

منگل 8 اپریل 2025 22:54

مظفرآباد(اُردو پوائنٹ اخبارتازہ ترین - این این آئی۔ 08 اپریل2025ء)ایس ایچ او تھانہ پولیس سی آئی اے جاوید احمد گوہر نے منشیات فروشوں کیخلاف کارروائی کرتے ہوئے بدنام زمانہ منشیات فروش عبدالرشید ولد محمد بشیر ساکنہ نگدر ضلع نیلم حال خشکڑ مظفرآباد کے قبضہ سے 18 بوتل شراب الکوحل برآمد کرتے ہوئے ملزم کے خلاف مقدمہ درج کرتے ہوئے 3/4 کے تحت کارورائی شروع کردی ہے، ۔

تفصیلات کے مطابق سی آئی اے انسپکٹر جاوید گوہر مع سی آئی اے سٹاف سب انسپکٹر واجد علوی،ڈی ایف سی محمد صدیق،ڈی ایف سی محمد حنیف اعوان ودیگر نے چھاپہ مار کارروائی کے دوران منشیات فروش عبدالرشید کو گرفتار کر کے اس کے قبضہ سے 18بوتل شراب برآمد کی ۔اس موقع پر انچارج سی آئی اے جاوید احمد گوہر نے بتایا ہے کہ ملزم طویل عرصہ سے منشیات فروشی کے دھندہ میں ملوث تھا اور پولیس کی نظروں سے روپوش رہ کر منظم انداز میں دھندہ چلارہے تھا۔

(جاری ہے)

خفیہ اطلاع پر پولیس نے ملزم کیخلاف کارروائی کرتے ہوئے اسے شراب کی بوتلوں سمیت گرفتار کیاہے۔تفتیش کی روشنی میں منشیات کے گینگ میں شامل دیگر جرائم پیشہ افراد کے خلاف بھی کارروائی عمل میں لائی جائے گی۔جاوید احمد گوہر نے کہا کہ قانون سے کوئی بھی بالاتر نہیں ، آنے والے نسلوں کے ساتھ کھلواڑ کرنے والوں کے ساتھ آہنی ہاتھوں سے نمٹا جائے گا، والدین اپنے بچوں پر کڑی نظررکھیں ، قانون شکنی کی صورت میں پولیس حرکت میں آئے گی ۔