ویمنزورلڈ کپ کوالیفائر2025 میں اتوارکو مزید دو میچ کھیلے جائیں گے

جمعہ 11 اپریل 2025 15:51

اسلام آباد (اُردو پوائنٹ اخبارتازہ ترین - این این آئی۔ 11 اپریل2025ء)آئی سی سی ویمنز ورلڈکپ کوالیفائر 2025 ایونٹ پاکستان میں شروع ہوچکا ہے ،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔ ٹورنامنٹ میں 13 اپریل کو مزید دومیچوں کا فیصلہ ہوگا۔

(جاری ہے)

آئی سی سی ویمنز ورلڈکپ کوالیفائر 2025 ایونٹ کا چھٹا میچ سکاٹ لینڈ اور تھائی لینڈ کی ویمنز ٹیموں کے درمیان لاہور سٹی کرکٹ ایسوسی ایشن گراؤنڈ، لاہورمیں کھیلا جائے گا۔

یہ میچ پاکستان کے معیاری وقت کے مطابق صبح 9 بجکر 30 منٹ پر شروع ہوگا۔اسی روز کا دوسرا اور آخری اور ایونٹ کا ساتواں میچ بنگلہ دیش اور آئرلینڈ کی خواتین ٹیموں کے درمیان قذافی سٹیڈیم ، لاہور میں کھیلا جائے گا اور یہ میچ پاکستان کے معیاری وقت کے مطابق دن دو بجے شروع ہوگا۔