نیشنل بنک آف پاکستان فیصل آباد برانچزکی اے ٹی ایم مشین صارفین کے لئے درد سربن گئی

ہفتہ 12 اپریل 2025 21:03

فیصل آباد (اُردو پوائنٹ اخبارتازہ ترین - آن لائن۔ 12 اپریل2025ء) نیشنل بنک آف پاکستان فیصل آباد برانچزکی ATM مشین صارفین کے لیئے درد سر بن گئی یہ مشین کافی عرصے سے بندھ ہے جس کے باعث نیشنل بنک کے صارفین کو شدید مشکلات کا سامنا۔تفصیلات کے مطابق فیصل آباد شہر اور گردونواح کی نیشنل بنک آف پاکستان برانز کی اے ٹی ایم مشین صارفین کے لئے درد سر بن گئی۔

یہ مشین کافی عرصے سے بندھ ہے۔جس کے باعث نیشنل بنک کے صارفین کو شدید مشکلات کا سامناکرنا پڑتا ہے۔

(جاری ہے)

کیوں کہ مہینے کے شروع کے دنوں میں تنخواہ دار ملازمین اور پنشنرز کا کافی رش ہوتا ہے جب وہ ATM مشین سے پیسے نکالنے جاتے ہیں تو گرل والے دروازے پر ایک بڑا تالا ان کا منہ چڑا رہا ہوتا ہے۔کیوں کہ دوسرے بنکوں کے ATM سے پیسوں کی لمٹ اور پیسوں کی کٹوتی بھی ہوتی ہے۔جس کے باعث NBP کے صارفین کو شدید مشکلات اور اذیت کا شکار ہونا پڑتا ہے۔NBP کے صارفین نے اسٹیٹ بینک آف پاکستان، نیشنل بنک آف پاکستان کے اعلیٰ حکام اور ڈپٹی کمشنر فیصل آباد سے مطالبہ کیا ہے کہ فوری نوٹس لیتے ہوئے وہ ATM مشین کی بحالی کے لیئے اقدامات کریں تاکہ صارفین کی مشکلات کا ازالہ ہوسکی