Live Updates

توحید ہریدوئے امپائرسے تکرار پرایک میچ کیلئے معطل

بنگلادیشی کرکٹر اب سپر لیگ کے پہلے میچ میں ٹیم کا حصہ نہیں ہوں گے

پیر 14 اپریل 2025 17:46

توحید ہریدوئے امپائرسے تکرار پرایک میچ کیلئے معطل

ڈھاکہ (اُردو پوائنٹ اخبارتازہ ترین - این این آئی۔ 14 اپریل2025ء) محمڈن اسپورٹنگ کلب کے کپتان توحید ہریدوئے کو امپائر سے تکرار پر ایک میچ کیلئے معطل کردیا گیا۔ڈھاکا پریمیئر لیگ میں ابھانی کے خلاف میچ میں دوسری اننگز کے ساتویں اوور کے دوران توحید ہریدوئے نے آن فیلڈ امپائرز سہیل احمد اور شرف الدولہ ابن سیاکت سے بحث کی۔

(جاری ہے)

واقعہ اس وقت پیش آیا جب پیسر عبادت حسین کی گیند ابھانی کے بیٹر ایم متھون کے پیڈز پر لگی۔

عبادت نے آؤٹ کی اپیل کی لیکن امپائر نے انگلی نہیں اٹھائی جس پر توحید اور عبادت نے امپائرز سے بات کی۔ری پلے سے واضح ہوا کہ گیند آف سائیڈ جا رہی تھی لہٰذا امپائر کا فیصلہ درست قرار دیا گیا۔توحید ہریدوئے اب سپر لیگ کے پہلے میچ میں ٹیم کا حصہ نہیں ہوں گے جبکہ ان کی جگہ قائم مقام کپتان کے اعلان کا انتظار ہے۔