بارسلونا اوپن ٹینس مینز ڈبلز،جو سیلسبری اور ہم وطن جوڑی دار نیل سکوپسکی کوارٹر فائنل میں داخل

ابتدائی رائونڈ میں اٹلی کے ٹینس کھلاڑی میٹیو آرنلڈی اور ان کے ارجنٹائن کے جوڑی دار ٹامس مارٹن ایچیوری کو شکست

جمعرات 17 اپریل 2025 13:31

بارسلونا اوپن ٹینس مینز ڈبلز،جو سیلسبری اور ہم وطن جوڑی دار نیل سکوپسکی ..

بارسلونا(اُردو پوائنٹ اخبارتازہ ترین - این این آئی۔ 17 اپریل2025ء)انگلینڈ کے ٹینس سٹار جو سیلسبری اور ان کے ہم وطن جوڑی دار نیل سکوپسکی پر مشتمل برطانوی جوڑی اے ٹی پی بارسلونا اوپن ٹینس ٹورنامنٹ میں مردوں کے ڈبلز مقابلوں کا فاتحانہ آغاز کرتے ہوئے کوارٹر فائنل رائونڈ میں پہنچ گئی.برطانوی فاتح جوڑی نے مینز ڈبلز مقابلوں کے ابتدائی رائونڈ میں اٹلی کے ٹینس کھلاڑی میٹیو آرنلڈی اور ان کے ارجنٹائن کے جوڑی دار ٹامس مارٹن ایچیوری کو شکست دے کر ایونٹ کا فاتحانہ آغاز کر دیا۔

(جاری ہے)

بارسلونا اوپن ٹینس ٹورنامنٹ کا 72 واں ایڈیشن ریئل کلب ڈی ٹینس بارسلونا، سپین میں جاری ہے،جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔مردوں کے ڈبلز مقابلوں کے ابتدائی رائونڈ میں انگلینڈ کے ٹینس سٹار جو سیلسبری اور ان کے ہم وطن جوڑی دار نیل سکوپسکی پر مشتمل برطانوی جوڑی نے انتہائی سخت مقابلے کے بعد اٹلی کے ٹینس کھلاڑی میٹیو آرنلڈی اور ان کے ارجنٹائن کے جوڑی دار ٹامس مارٹن ایچیوری کو 4-6، 7-6(10-8)اور5-10 سے شکست دے کر نہ صرف ٹورنامنٹ کا فاتحانہ آغاز کر دیا بلکہ مینز ڈبلز کوارٹر فائنل رائونڈ کے لئے بھی کوالیفائی کرلیا۔