Live Updates

راکٹ مین کے مدمقابل آئی پی ایل کا ''روبوٹک کُتا'' عدالتی کیس میں پھنس گیا

جمعرات 1 مئی 2025 21:51

لاہور(اُردو پوائنٹ اخبارتازہ ترین - آن لائن۔ 01 مئی2025ء)پاکستان سپر لیگ (پی ایس ایل) کے 10ویں ایڈیشن میں راکٹ مین کے مدمقابل انڈین پریمئیر لیگ (آئی پی ایل) نے روبوٹک کُتا میدان پر اُتارا تھا تاہم اُس کے نام کو لیکر معاملہ عدالت پہنچ گیا۔میڈیا رپورٹس کے مطابق انڈین پریمئیر لیگ کے روبوٹک کُتے کے نام کا چیمپک رکھنے پر بھارتی کرکٹ بورڈ (بی سی سی آئی) عدالتی معاملے میں پھنس کر رہ گیا ہے۔

(جاری ہے)

رپورٹس میں دعویٰ کیا گیا ہے کہ بچوں کے ایک میگزین نے دہلی ہائیکورٹ میں ہرجانے کا کیس دائر کرتے ہوئے دعویٰ کیا کہ بھارتی بورڈ نے آئی پی ایل میں استعمال ہونے والے اپنے آئی اے روبوٹک کُتے کا نام چیمپک رکھا، جو انکے میگزین کا نام ہے۔بھارتی کرکٹ بورڈ نے کمرشل حقوق کی خلاف ورزی کی ہے، عدالت اس دعوے سے متفق نہیں ہوئی اور کہا کہ میگزین کے ایک کیریکٹر کا نام چیکو ویراٹ کوہلی کا نک نیم ہے، کیا وہ کوہلی پر بھی کیس کریں گے۔اسکے جواب میں میگزین کے وکیل نے عدالت کو جواب دیا کہ اگر کوہلی نے اپنے نک نیم کو کمرشل سطح پر استعمال کیا تو ایسا ہو بھی سکتا ہے۔