Live Updates

غزہ کو فلسطینیوں کی اجتماعی قبر میں تبدیل کر دیاگیا،ڈاکٹرزودآئوٹ بارڈرز

فلسطینیوں یا ان کی مدد کرنے کی کوشش کرنے والے کہیں بھی محفوظ نہیں ہیں، اماندے بازرولے

جمعرات 17 اپریل 2025 13:34

غزہ کو فلسطینیوں کی اجتماعی قبر میں تبدیل کر دیاگیا،ڈاکٹرزودآئوٹ ..

جنیوا(اُردو پوائنٹ اخبارتازہ ترین - این این آئی۔ 17 اپریل2025ء)بین الاقوامی طبی امدادی ایجنسی ڈاکٹرز ودآٹ بارڈرز (ایم ایس ایف)نے کہا ہے کہ اسرائیل کی فوجی کارروائیوں اور انسانی امداد کی روک تھام نے غزہ کو فلسطینیوں اور ان کی مدد کرنے والوں کے اجتماعی قبرستان میں تبدیل کر دیا ہے۔

(جاری ہے)

فرانسیسی خبر رساں ادارے کے مطابق ایم ایس ایف کے کوآرڈینیٹر اماندے بازرولے نے کہا کہ غزہ کو فلسطینیوں اور ان کی مدد کے لئے آنے والوں کی اجتماعی قبر میں تبدیل کر دیا گیا ہے۔

انہوں نے مزید کہا کہ ہم حقیقی وقت میں غزہ کی پوری آبادی کی تباہی اور جبری بے گھر ہونے کا مشاہدہ کر رہے ہیں۔انہوں نے کہا کہ فلسطینیوں یا ان کی مدد کرنے کی کوشش کرنے والے کہیں بھی محفوظ نہیں ہیں اور جو لوگ زندہ بچ گئے ہیں انہیں انسانی ہمدردی کی کارروائیوں کے عدم تحفظ اور رسد کی شدید قلت کے باعث دیکھ بھال کی سہولتوں تک رسائی میں شدید مشکلات کا سامنا ہے۔