ڈسٹرکٹ ہیلتھ آفس آٹھ مقام میں انسدادپولیومہم کاآغاز کردیاگیا

پانچ سال سے کم عمر کے 38 ہزار 693 بچوں کو پولیو سے بچائو کے حفاظتی قطرے پلائے جائیں گے

جمعہ 18 اپریل 2025 15:14

نیلم(اُردو پوائنٹ اخبارتازہ ترین - این این آئی۔ 18 اپریل2025ء)ڈپٹی کمشنر ندیم جنجوعہ نے ڈسٹرکٹ ہیلتھ آفس آٹھ مقام میں بچوں کو پولیو سے بچائو کی حفاظتی ویکسین کے قطرے پلاکرانسدادپولیومہم کاباقاعدہ آغاز کردیا،انسداد پولیو مہم کے دوران ضلع بھر میں پانچ سال سے کم عمر کے 38 ہزار 693 بچوں کو پولیو سے بچائو کے حفاظتی قطرے پلائے جائیں گے،انسداد پولیو مہم21 سے 25 اپریل 2025 تک جاری رہے گی،ضلع بھر میں220 موبائل ٹیمیں تشکیل دی گئی ہیںجوگھرگھر جاکر پولیو ویکسین کے قطرے پلائے گی ۔

علاو ہ ازیں 31 فکسڈ سنٹرسمیت8 ٹرانزٹ پوائنٹ (خصوصی مراکز) چلہانہ ، جورا، کنڈلشاہی ، آٹھ مقام، دواریاں،دودھنیال، شاردہ اور کیل میں قائم ہیں۔نگرانی کیلئے 17 تربیت یافتہ UCMO,sتعینات کیے گئے ہیں۔

(جاری ہے)

ٹیموں کی نگرانی کے لیے یونین کونسل سطح پر 60 ایریا انچارج مقرر کیے گئے ہیں۔ پولیو کنٹرول روم ڈسٹرکٹ ہیلتھ آفس میں قائم ہے جہاں روزانہ کی بنیاد پر سینئر نمائندہ ویکسین سے محروم رہ جانیوالے بچوں بارے شکایت سنے گا۔

ڈسٹرکٹ ہیلتھ آفیسر ڈاکٹر غلام نبی کی ڈپٹی کمشنر ، آفیسران، میڈیا کو بریفنگ ۔ تفصیلات کے مطابق صحت عامہ آزادکشمیر کے زیراہتمام 5 روزہ فری انسداد پولیو ویکسین مہم کاجمعتہ المبارک کوڈپٹی کمشنر نے ڈسٹرکٹ ہیلتھ آفس آٹھ مقام میں بچوںکو پولیو سے بچائو کی ویکسین پلاکر باقاعدہ مہم کاآغاز کیا۔ پولیو مہم 21 سے 25 اپریل 2025 تک جاری رہے گی ۔

ڈسٹرکٹ ہیلتھ آفیسر ڈاکٹر غلام نبی نے انسداد پولیو مہم کی افتتاحی تقریب میں باقاعدہ تفصیلاً بریفنگ دی ۔اس موقع پر ایم ایس ڈسٹرکٹ ہسپتال آٹھ مقام ڈاکٹر سجاد مغل، ایم ایس جھمر کپٹن ڈاکٹر احمد،اسسٹنٹ ڈائریکٹر EPIسید مبشرگیلانی، آفیسر ڈسٹرکٹ ڈیزاسٹرمینجمنٹ اتھارٹی محمد اختر ایوب، ایس ایچ او مبشر ،صحافی راجہ ساجد ودیگر نے پولیو سے بچائو کی ویکسین پلاکر باقاعدہ مہم کاافتتاح کیا۔ EPIاور صحت عامہ کے دیگر آفیسران ایڈمن جاوید ایوب ، اے ڈی سی فردوس بی بی نے شرکت کی۔