Live Updates

عماد وسیم نے وکٹ لینے کے بعد منفرد انداز میں جشن منانے کی وجہ بتادی

ہفتہ 19 اپریل 2025 13:06

لاہور(اُردو پوائنٹ اخبارتازہ ترین - این این آئی۔ 19 اپریل2025ء)پی ایس ایل میں اسلام آباد یونائیٹڈ کے آل راؤنڈر عماد وسیم نے وکٹ لینے کے بعد منفرد انداز میں جشن منانے کی وجہ بیان کردی۔پی ایس ایل کے آفیشل یوٹیوب چینل پر انٹرویو دیتے ہوئے 36 سالہ آل راؤنڈر نے انکشاف کیا کہ کس طرح ٹیم کے ساتھیوں اور انتظامیہ کے ساتھ پلے اسٹیشن فیفا سیشنز کے دوران جشن نے ان کو متاثر کیا۔

انہوں نے کہا کہ ہمارا جشن دراصل انتظامیہ سمیت پوری ٹیم کے ساتھ پہلے سے طے شدہ ہے۔

(جاری ہے)

عماد وسیم نے کہا کہ ہم اپنا بہت سا وقت فیفا کے ساتھ کھیلتے ہوئے گزارتے ہیں، اس لیے مجھے واضح کرنا ہے کہ یہ بے ترتیب حرکتیں نہیں ہیں، اس سیزن میں ہر کھلاڑی کا اپنا جشن ہے اور میں نے فٹبالرز محمد صلاح اور کائلان ایمباپے کو خراج تحسین پیش کرنے کا انتخاب کیا ہے۔آل راؤنڈر نے کہا کہ ہر میچ سے پہلے ہم ایک گروپ کے طور پر فیصلہ کرتے ہیں کہ اگر میں وکٹیں لوں گا تو میں کونسا جشن مناؤں گا، یہ ہماری پرفارمنس سے لطف اندوز ہونا ہے۔عماد وسیم نے پی ایس ایل کے تین میچوں میں 6 وکٹیں حاصل کی ہیں اور ایک میچ میں 26 رنز کے دے کر 3 کھلاڑیوں کو بھی آؤٹ کیا۔