Live Updates

بابر اعظم اور رضوان کو بنگلہ دیش کیخلاف سیریز کیلئے بھی ٹیم میں شامل نہ کیے جانے کا امکان

صائم ایوب، فخر زمان اور ممکنہ طور پر صاحبزادہ فرحان کی واپسی کا مطلب ہے کہ سکواڈ میں پرانے کھلاڑیوں کے لیے فی الحال کوئی جگہ نہیں ہے

ذیشان مہتاب بدھ 30 اپریل 2025 10:30

بابر اعظم اور رضوان کو بنگلہ دیش کیخلاف سیریز کیلئے بھی ٹیم میں شامل ..

لاہور (اردو پوائنٹ تازہ ترین اخبار ۔ 30 اپریل 2025ء ) پاکستان کی T20I کرکٹ ٹیم کا مستقبل بابر اعظم اور محمد رضوان کے تجربہ کار ناموں کے بغیر آگے بڑھنے کا امکان نظر آرہا ہے اور مقامی میڈیا کی رپورٹس کے مطابق پی سی بی بنگلہ دیش کے خلاف آئندہ ہوم سیریز کے لیے ان دونوں کو واپس نہیں بلائے گا۔

پی سی بی پانچ میچوں کی سیریز کے لیے کئی ناموں پر غور کر رہا ہے جو پی ایس ایل 2025ء کے اختتام کے بعد کھیلی جائے گی لیکن مبینہ طور پر رضوان اور بابر کو اسکواڈ میں شامل نہیں کیا جا رہا ہے۔

ان دونوں نے 13 دسمبر 2024ء کے بعد سے کوئی T20I میچ نہیں کھیلا کیوں کہ پاکستان ایک کم عمر اور زیادہ جارحانہ بیٹنگ لائن اپ کو آگے بڑھا رہا ہے۔

بابر اعظم اور محمد رضوان پاکستان کے لیے ٹی ٹونٹی میں سب سے زیادہ رنز بنانے کے لیے بالترتیب پہلی اور دوسری پوزیشن پر فائز ہونے کے باوجود پی سی بی کرکٹ کے جدید معیارات پر پورا اترنے کے قابل لائن اپ کے ساتھ تجربہ کر رہا ہے۔

(جاری ہے)

توقع کے مطابق نتائج سامنے نہیں آئے، پاکستان نیوزی لینڈ کے خلاف 4-1 سے شکست کھا گیا لیکن ٹیم انتظامیہ ابھی اس منصوبے کو ترک کرنے کے لیے تیار نہیں ہے۔ صائم ایوب، فخر زمان اور صاحبزادہ فرحان کی واپسی کا مطلب ہے کہ اسکواڈ میں پرانے کھلاڑیوں کے لیے فی الحال کوئی جگہ نہیں ہے۔

ان کا اخراج پاکستان کرکٹ ٹیم کے لیے ایک بڑی تبدیلی کا اشارہ دے سکتا ہے۔

اس سال ایشیا کپ اور اگلے سال ٹی ٹونٹی ورلڈ کپ کے ساتھ پاکستان اپنے دو تجربہ کار بلے بازوں کے بغیر ٹی ٹوئنٹی کرکٹ کے ایک نئے دور میں داخل ہو سکتا ہے۔

بنگلہ دیش کے خلاف آنے والی سیریز ہر کسی کو کھیل کے مختصر ترین فارمیٹ میں پاکستان کرکٹ کے مستقبل کو قریب سے دیکھنے کا موقع فراہم کرے گی۔ خاص طور پر گھر میں بنگلہ دیش سے شکست ٹیم کے بارے میں سنگین سوالات اٹھائے گی لیکن پی سی بی فی الحال اپنے خیالات پر قائم نظر آتا ہے۔

بابر اعظم یا محمد رضوان مستقبل میں پاکستان کے لیے کبھی ٹی ٹونٹی میچ کھیلیں گے یا نہیں، یہ دیکھنا باقی ہے مگر فی الحال ان کی واپسی کا دروازہ بند ہے۔