ٹرمپ کی پالیسیوں کیخلاف امریکا کے مختلف شہروں میں مظاہرے

ٹرمپ انتظامیہ کے غیر جمہوری، غیر قانونی اقدامات پر احتجاجی مظاہروں کی کال دی گئی ،انتظامیہ

اتوار 20 اپریل 2025 11:25

واشنگٹن (اُردو پوائنٹ اخبارتازہ ترین - این این آئی۔ 20 اپریل2025ء)امریکا میں صدر ڈونلڈ ٹرمپ اور ان کی پالیسویں کے خلاف مختلف شہروں میں احتجاجی مظاہرے شروع ہوگئے۔

(جاری ہے)

امریکی میڈیا کے مطابق واشنگٹن اور دیگر شہروں میں ٹرمپ کے خلاف مظاہروں کی کال دی گئی ہے، جس کے بعد واشنگٹن ڈی سی میں مظاہرین جمع ہونا شروع ہوگئے۔ڈونلڈ ٹرمپ مخالف مظاہروں کی کال 50501 موومنٹ نے دی ہے،50501 کا مطلب پچاس امریکی ریاستوں میں پچاس مظاہروں کی ایک تحریک ہے۔منتظمین کا کہنا تھا کہ ڈونلڈ ٹرمپ انتظامیہ کے غیر جمہوری، غیر قانونی اقدامات پر احتجاجی مظاہروں کی کال دی گئی ہے۔