10 ہزارکی شرط لگا کرشراب کی 5 بوتلیں پینے والا 21 سالہ نوجوان ہلاک

جمعرات 1 مئی 2025 20:54

نئی دہلی (اُردو پوائنٹ اخبارتازہ ترین - آن لائن۔ 01 مئی2025ء)بھارتی ریاست کرناٹک میں دوستوں کے ساتھ صرف 10 ہزار روپے کی شرط لگا کر شراب کی پانچ بوتلیں پینے والا ایک 21 سالہ نوجوان ہلاک ہو گیا۔بھارتی میڈیا کی رپورٹ کے مطابق ہلاک نوجوان نے اپنے دوستوں سے کہا تھا کہ وہ شراب کی پانچ بوتلیں پانی میں ملا کر پی سکتا ہے، جس پر ایک دوست نے کہا کہ اگر اس نے ایسا کیا تو وہ اسے 10,000 روپے دیں گے۔

(جاری ہے)

نوجوان پانچ بوتلیں پینے کے بعد شدید بیمار ہو گیا، اسے اسپتال میں داخل کرایا گیا جہاں دوران علاج وہ دم توڑ گیا، ہلاک نوجوان کی شادی کو ایک سال ہوا تھا اور اس کی بیوی نے آٹھ دن پہلے ہی ایک بچے کو جنم دیا تھا۔ہلاک نوجوان کے دوستوں سمیت 6 افراد کے خلاف پولس اسٹیشن میں کیس درج کرلیا گیا، دو ملزمان کو گرفتار کر لیا گیا، پولیس دیگر ملزمان کی تلاش کر رہی ہے۔ورلڈ ہیلتھ آرگنائزیشن کے مطابق تقریباً 2.6 ملین لوگ ہر سال شراب نوشی سے مرتے ہیں جو کہ عالمی اموات کا 4.7 فیصد بنتا ہے۔