رائل چیلنجرز بنگلورو کے کپتان کوہلی اور دیگر کھلاڑیوں پر بھڑک اٹھے

ویرات کوہلی اور دیگر بڑے نام بری طرح پنجاب کنگز کے بولرز کے سامنے ناکام رہے

اتوار 20 اپریل 2025 11:25

بنگلورو(اُردو پوائنٹ اخبارتازہ ترین - این این آئی۔ 20 اپریل2025ء)رائل چیلنجرز بنگلورو کے کپتان رجت پاٹیدار ویرات کوہلی سمیت ٹیم کے دیگر کھلاڑیوں کی خراب کارکردگی پر برس پڑے۔آئی پی ایل میں رائل چیلنجرز بنگلورو کو گزشتہ مقابلے میں پنجاب کنگز کے ہاتھوں عبرتناک شکست کا سامنا کرنا پڑا، اس میچ کو 14، 14 اوورز تک محدود کیا گیا تھا آر سی بی کی ٹیم پہلے کھیلتے ہوئے 9 وکٹوں پر صرف 95 رنز بنا سکی، کوہلی اور دیگر بیٹرز جادو جگانے میں ناکام رہے۔

سوائے ٹم ڈیوڈ کے کوئی بھی بیٹر اچھی بیٹنگ نہ کرسکا، ٹم نے 50ناٹ آئوٹ رنز بنائے جبکہ ویرات کوہلی اور دیگر بڑے نام بری طرح پنجاب کنگز کے بولرز کے سامنے ناکام رہے۔ہدف کے تعاقب میں پنجاب کنگز نے 13ویں اوور کی پہلی بال پر 5 وکٹوں کے نقصان پر 98 رنز بناکر آر سی بی کے خلاف میچ باآسانی جیت لیا۔

(جاری ہے)

بنگلورو کے کپتان رجت نے میچ کے بعد کہا کہ شروع میں بیٹنگ کچھ مشکل تھی مگر میرے خیال میں ایک بیٹنگ یونٹ کے طور پر ہم اس سے بہتر کارکردگی دکھا سکتے تھے۔

رجت پاٹیدار جو کوہلی اور دیگر بیٹرز کی کارکردگی پر کافی حیران تھے انھوں نے کہا کہ بیٹنگ میں پارٹنرشپ کی کافی اہمیت ہوتی ہے،ہم وقفے وقفے سے اس میچ میں وکٹیں گنواتے رہے۔آسٹریلیا کے پیسر جوش ہیزل ووڈ بھی اس شکست سے کافی مایوس نظر آئے کیوں کہ انھوں نے عمدہ بولنگ کرتے ہوئے 14 رنز کے عوض 3 وکٹیں لے کر آر سی بی کو میچ میں لانے کی کوشش کی تھی۔