کینیڈا ٹی 10 لیگ‘ پاکستانی کرکٹرز بھی جلوہ گر ہونے کیلئے تیار

34 ملکوں کے 1135 مینز اور 235 ویمنز پلیئرز نے کینیڈین ایونٹ کے لئے خود کو رجسٹر کرایا

منگل 22 اپریل 2025 15:25

کینیڈا ٹی 10 لیگ‘ پاکستانی کرکٹرز بھی جلوہ گر ہونے کیلئے تیار

لاہور(اُردو پوائنٹ اخبارتازہ ترین - این این آئی۔ 22 اپریل2025ء)کینیڈا ٹی 10 لیگ کے لیے 1300 سے زائد کرکٹرز کو رجسٹرڈ کر لیا گیا۔کیوی سٹارمارٹن گپٹل نے بھی ایونٹ میں شرکت پر رضامندی ظاہر کی ہے، 34 ملکوں کے 1135 مینز اور 235 ویمنز پلیئرز نے کینیڈین ایونٹ کے لئے خود کو رجسٹر کرایا ہے۔

(جاری ہے)

پاکستان سے نسیم شاہ اور اعظم خان سمیت ودیگر نے رجسٹریشن کرائی ہے، فن ایلین، سکندر رضا، الیکس ہیلز، شمار جوزف، جیسن روئے، کیشیو مہاراج بھی رجسٹریشن کرانیوالوں میں شامل ہیں۔

ٹم سیفرٹ، ٹم ساؤتھی، جمی نیشم، لونگی نگیڈی، رائیلی روسو، کرس لین، جیسن ہولڈر، آندرے فلیچر، کائل مائرز، تبریز شمسی، بھانوکا راجاپکسے، ڈیوڈ مالان اور دیگر نے بھی رجسٹریشن کروا لی ہے۔ویمنز کرکٹ کھلاڑیوں میں پاکستان ویمنز ٹیم کی کپتان فاطمہ ثنا، لیورا ہیریس، دیندرا ڈوٹن، شبنم اسماعیل اور دیگر نے بھی رجسٹریشن کروا لی ہے۔