سابق آسٹریلوی کرکٹر مائیکل سلیٹر کو 4 سال قید کی سزا

مائیکل سلیٹر نے اپنا جرم قبول کیا جس کے مطابقگھریلو تشدد کا الزام بھی شامل ہے

منگل 22 اپریل 2025 22:34

میلبورن(اُردو پوائنٹ اخبارتازہ ترین - آن لائن۔ 22 اپریل2025ء)سابق آسٹریلوی ٹیسٹ کرکٹر مائیکل سلیٹر کو 4 سال قید کی سزا سنا دی گئی۔آسٹریلوی میڈیا کے مطابق مائیکل سلیٹر نے 7 چارجز میں اپنا جرم قبول کیا ہے، جرم قبول کرنے میں گھریلو تشدد کا الزام بھی شامل ہے۔

(جاری ہے)

مائیکل سلیٹر پر 2023 کے آخر میں ایک خاتون پر گھریلو تشدد سمیت کئی الزامات لگے تھے۔کوئنز لینڈ کی ماروچیڈور ڈسٹرکٹ کورٹ نے مائیکل سلیٹر کا کیس سنا۔عدالت نے مائیکل سلیٹر پر واضح کیا کہ آپ شراب نوشی کی حالت میں رہے ہیں۔عدالت نے 4 سال قید کی سزا سنائی ہے، اس میں سے 1 سال سے زائد وہ جیل میں گزار چکے ہیں۔واضح رہے کہ مائیکل سلیٹر نے 74 ٹیسٹ اور 42 ون ڈے میچز میں آسٹریلیا کی نمائندگی کی۔