امرخان کی بارش میں ڈانس ویڈیو سوشل میڈیا پر وائرل، صارفین کی تنقید

منگل 22 اپریل 2025 23:16

کراچی (اُردو پوائنٹ اخبارتازہ ترین - این این آئی۔ 22 اپریل2025ء)ادکارہ امر خان کی بارش میں ڈانس ویڈیو پر سوشل میڈیا صارفین نے تنقید کا طوفان برپا کر دیا۔

(جاری ہے)

حال ہی میں اسلام آباد میں ہونے والی ژالہ باری اور بارش کے دوران امر خان کو اپنے گھر کے صحن میں مشہور دھن لور لور اے پر رقص کرتے ہوئے دیکھا گیا، وہ بغیر میک اپ اور پاجامہ شرٹ میں رقص کر رہی تھیں، انہوں نے یہ ویڈیو انسٹاگرام پر مداحوں کے ساتھ شیئر کی ہے۔

سوشل میڈیا پر اس ویڈیو کو ملا جلا ردعمل ملا، کچھ صارفین نے ان کے انداز کو سراہا اور اسے ایک قدرتی، خوشی سے بھرپور لمحہ قرار دیا، وہیں کچھ نے تنقید کا رخ اپنایا، ایک صارف نے لکھا جو چیز سیکھنی نہ ہو، وہ کرنی بھی نہیں چاہیے، جبکہ ایک اور نے کہا کہ ایسے کپڑوں میں رقص نہیں کرنا چاہیے تھا، ایک تبصرہ کچھ یوں تھا کہ ڈانس بہت ہی برا تھا۔