آئی پی ایل میں ٹیم جان بوجھ کر میچ ہاری! میچ فکسنگ کا سنگین الزام لگ گیا

راجستھان کرکٹ ایسوسی ایشن کی ایڈہاک کمیٹی کے کنوینر جے دیپ بہاری نے فرنچائز آر آر کو میچ فکسنگ کرنے والی ٹیم قرار دیا

بدھ 23 اپریل 2025 12:30

آئی پی ایل میں ٹیم جان بوجھ کر میچ ہاری! میچ فکسنگ کا سنگین الزام لگ ..

نئی دہلی (اُردو پوائنٹ اخبارتازہ ترین - این این آئی۔ 23 اپریل2025ء)انڈین پریمیئر لیگ میں نیا تنازع سامنے آگیا راجستھان رائلز کی ٹیم پر ایسوسی ایشن کے اعلیٰ افسر نے میچ فکسنگ کا سنگین الزام لگادیا۔ راجستھان رائلز کو جے پور میں 19 اپریل کو لکھنؤ سپر جائنٹس کے خلاف میچ میں 2 رن سے شکست کا سامنا کرنا پڑا تھا، اس میچ میں 14 سالہ ویبھو سوریاونشی نے اپنا آئی پی ایل ڈیبیو کیا تھا اور مقابلے کی تاریخ کے سب سے کم عمر کھلاڑی بھی بنے، تاہم راجستھان کرکٹ ایسوسی ایشن کے کنوینر نے اس میچ پر فکس ہونے کا الزام لگایا ہے۔

راجستھان کرکٹ ایسوسی ایشن کی ایڈہاک کمیٹی کے کنوینر جے دیپ بہاری نے آئی پی ایل فرنچائز آر آر کو میچ فکسنگ کرنے والی ٹیم قرار دیا ہے جس کے بعد تنازعہ کھڑا ہوگیا ہے۔

(جاری ہے)

بھارتی ذرائع ابلاغ پر آنے والی خبروں کے مطابق جے دیپ بہاری نے کہا کہ لکھنؤ سپر جائنٹس کے خلاف راجستھان رائلز کا میچ فکس تھا بچوں کو بھی یہ بات معلوم ہے، ہوم گراؤنڈ پر چند رنز درکار ہوں تو کوئی کیسے کوئی میچ ہار سکتا ہے۔

جے دیپ بہاری نے کہا کہ ایڈ ہاک کمیٹی ریاستی حکومت نے بنائی ہے، اسے پانچویں بار توسیع دی گئی ہم اس بات کو یقینی بنائیں گے کہ تمام مقابلے بغیر کسی مسئلے کے ہوں اور حقیت سامنے لائی جائے۔خیال رہے کہ 181 رنز ہدف کے تعاقب میں راجھستان رائلز کی تیم کو آخری اوور میں 9 رنز درکار تھے مگر آر آر کے بیٹر یہ رنز نہیں بناسکے تھے۔