کماد کے کاشتکاروں کو فصل کی گوڈی اور نائٹروجن کھاد کی دوسری قسط ڈالنے کے بعد آبپاشی کی ہدایت

بدھ 23 اپریل 2025 17:25

فیصل آباد (اُردو پوائنٹ اخبارتازہ ترین - اے پی پی۔ 23 اپریل2025ء) کماد کے کاشتکاروں کو فصل کی گوڈی اور نائٹروجن کھاد کی دوسری قسط ڈالنے کے بعد آبپاشی کی بھی ہدایت کی گئی ہے تاکہ فصل کی بڑھوتری مزید بہتر ہو سکے۔

(جاری ہے)

ڈپٹی ڈائریکٹر محکمہ زراعت توسیع عدیل احمد نے کاشتکاروں کو آگاہ کیا کہ چونکہ موسم گرمامیں دھوپ کی شدت بڑھتی جارہی ہے اس لئے بروقت آبپاشی نہ کرنے سے فصل کو نقصان پہنچ سکتا ہے۔

انہوں نے کہاکہ اپریل و مئی کے مہینوں میں 2سے3 پانی 20سے 30دن کے وقفہ سے لگانا ضروری ہیں تاہم موسم کی شدت یا بارشوں وغیرہ کی صورت میں آبپاشی کے دورانیہ میں کمی بیشی کی جاسکتی ہے۔ انہوں نے کہاکہ اس وقت فصل کی گوڈی سے جہاں فالتو جڑی بوٹیاں تلف ہو جائیں گی وہیں کھاد ڈالنے اور آبپاشی کے بھی مفید نتائج حاصل ہوں گے۔