معاہدہ میں تجدید،مچل مارش آئندہ تین سال بگ بیش لیگ میں پرتھ سکارچرز کی نمائندگی کریں گے

جمعرات 24 اپریل 2025 16:10

پرتھ (اُردو پوائنٹ اخبارتازہ ترین - اے پی پی۔ 24 اپریل2025ء) آسٹریلیا کی مردوں کی کرکٹ ٹیم کے مایہ ناز آل رائونڈر مچل مارش نے آئندہ تین سالوں کے لئے بی بی ایل کی فرنچائرز پرتھ سکارچرز کے ساتھ دوبارہ معاہدہ کرلیا ہے۔ آسٹریلیا کے ٹی ٹونٹی فارمیٹ کے کپتان گزشتہ سیزن کے اختتام پر معاہدے سے باہر ہو گئے تھے ۔

(جاری ہے)

کرکٹ آسٹریلیا (سی اے)کی سلیکشن کمیٹی کے چیئرمین جارج بیلی نے رواں ہفتے کے شروع میں مشورہ دیا تھا کہ مچل مارش کے ٹیسٹ کیریئر پر دروازہ بند نہیں کیا گیا ہے، تاہم مچل مارش نے آئندہ تین سالوں کے بگ بیش لیگ کی فرنچائز پرتھ سکارچرز کے ساتھ دوبارہ معاہدہ کیا ہے اور وہ آئندہ تین سال بگ بیش لیگ میں پرتھ سکارچرز کی نمائندگی کریں گے۔

33 سالہ مچل مارش نے کہامجھے پرتھ سکارچرز کے ساتھ سائن ان کرنے پر واقعی فخر ہے، ایک ایسی ٹیم جس کے ساتھ میں بچپن سے کھیلتا رہا ہوں، اور ایک فرنچائز جس نے ناقابل یقین حد تک میری دیکھ بھال کی ہے۔مچل مارش کو 46 ٹیسٹ، 93 ایک روزہ اور 65 ٹی ٹونٹی میچز میں آسٹریلیا کی نمائندگی کا اعزاز حاصل ہے۔پرتھ سکارچرز کے ہائی پرفارمنس منیجر کیڈ ہاروے اس بات پر خوش تھے ہیں کہ مچل مارش آئندہ تین سالوں کے لئے ٹیم کو دستیاب ہوں گے ۔