ْپولینڈکی سیکنڈ سیڈڈ آئیگانٹالی سویٹیک میڈرڈ اوپن ٹینس ویمنز سنگلز تیسرے رائونڈ میں داخل

ویمنز سنگلز مقابلوں کے دوسرے رائونڈ میں 19 سالہ فلپائن کی ٹینس سٹار الیگزینڈرا مانیگو ایالا کو شکست دی

اتوار 27 اپریل 2025 11:20

میڈرڈ(اُردو پوائنٹ اخبارتازہ ترین - این این آئی۔ 27 اپریل2025ء)پولینڈ کی نامور ٹینس سٹار، ایونٹ کی سیکنڈ سیڈڈ اور پانچ گرینڈ سلام ٹائٹلز کی فاتح آئیگانٹالی سویٹیک ڈبلیو ٹی اے میڈرڈ اوپن ٹینس ٹورنامنٹ میں خواتین کے سنگلز مقابلوں کا فاتحانہ آغاز کرتے ہوئے تیسرے رائونڈ میں پہنچ گئیں۔ 23 سالہ پولینڈ کی ٹینس سٹار آئیگانٹالی سویٹیک نے ویمنز سنگلز مقابلوں کے دوسرے رائونڈ میں 19 سالہ فلپائن کی ٹینس سٹار الیگزینڈرا مانیگو ایالا کو شکست دی۔

(جاری ہے)

ڈبلیو ٹی اے کے زیر اہتمام میڈرڈ اوپن کے دلچسپ مقابلے سپین کے دارالحکومت میڈرڈ کے وینیو پارک منزاناریس میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔خواتین کے سنگلز مقابلوں کے دوسرے رائونڈ کے میچ میں 23 سالہ پولینڈ کی ٹینس سٹار آئیگانٹالی سویٹیک نے عمدہ کھیل پیش کرتے ہوئے وائلڈ کارڈ پر انٹری حاصل کرنے والی حریف 19 سالہ فلپائن کی ٹینس سٹار الیگزینڈرامانیگو ایالا کو 6-4، 4-6 اور2-6سے شکست دے کرنہ صرف ٹورنامنٹ سے باہر کر دیا بلکہ تیسرے رائونڈ کے لئے بھی کوالیفائی کرلیا، جہاں ان کا مقابلہ جمہوریہ چیک کی حریف کھلاڑی لنڈا نوسکووا سے ہوگا۔