’کوہلی دوست نہیں‘ فل سالٹ نے جواب دے کر یوٹرن لے لیا

کسی بھی تنازعہ سے بچنے کیلئے یوٹرن لیا اور دعویٰ کیا کہ جس کے ساتھ بھی وہ کھیلتے ہیں وہ ان کا دوست ہے

جمعرات 1 مئی 2025 13:29

’کوہلی دوست نہیں‘ فل سالٹ نے جواب دے کر یوٹرن لے لیا

نئی دہلی (اُردو پوائنٹ اخبارتازہ ترین - این این آئی۔ 01 مئی2025ء)انگلینڈ کے بیٹر فل سالٹ نے ویرات کوہلی کو دوست ماننے سے انکار کیا اور پھر بیان پر یوٹرن لے لیا۔آئی پی ایل کی ٹیم رائل چیلنجر بنگلور کی اوپننگ جوڑی فل سالٹ اور ویرات کوہلی پر مشتمل ہے اور دونوں کھلاڑی رواں سیزن میں کئی بار ایک ساتھ اننگز کا آغاز کر چکے ہیں۔

(جاری ہے)

آر سی بی نے اپنے سوشل میڈیا اکاؤنٹس پر ایک ویڈیو پوسٹ کی جس میں انگلش کھلاڑی سے پوچھا گیا کہ کیا کوہلی ان کے دوست بن گئے ہیں میزبان: آپ نے اپنے ایک انٹرویو میں کہا کہ آئی پی ایل میں کوئی دوست نہیں ہے تو جب آپ ویرات کے ساتھ کھیلتے ہیں تو کیا آپ کی ان سے دوستی ہی فل سالٹ نے جواب دیا کہ وہ ساتھی ہیں۔

تاہم بعد میں بات چیت کرتے ہوئے سالٹ نے کسی بھی تنازعہ سے بچنے کے لیے یوٹرن لیا اور دعویٰ کیا کہ جس کے ساتھ بھی وہ کھیلتے ہیں وہ ان کا دوست ہے۔سالٹ نے کہا کہ میں نے جس کے ساتھ کرکٹ کھیلی ہے وہ میرا دوست ہے۔