Live Updates

بابر اعظم لیفٹ آرم سپنر پر پھنستے ہیں : خوشدل شاہ

میری یہی کوشش ہوتی ہے کہ انھیں جتنا ڈسپلن کے ساتھ بولنگ کرسکوں کروں، نجی ٹی وی سے گفتگو

ذیشان مہتاب جمعرات 1 مئی 2025 12:46

بابر اعظم لیفٹ آرم سپنر پر پھنستے ہیں : خوشدل شاہ

(اردو پوائنٹ تازہ ترین اخبار ۔ یکم مئی 2025ء ) کراچی کنگز کے سپنر خوشدل شاہ نے بابراعظم کو آئوٹ کرنے کے حوالے سے اظہار خیال کرتے ہوئے کہا ہے کہ وہ لیفٹ آرم اسپنر پر پھنسے ہیں۔

نجی ٹی وی سے گفتگو کرتے ہوئے پاکستان سپر لیگ کی معروف فرنچائز کراچی کنگز کے لیفٹ آرم اسپنر خوشدل شاہ نے کہا کہ بابراعظم لیفٹ آرم اسپنر پر تھوڑا سا پھنستے ہیں، میری یہی کوشش ہوتی ہے کہ انھیں جتنا ڈسپلن کے ساتھ بولنگ کرسکوں کروں۔

خوشدل شاہ 9 اننگز میں پاکستان کے ٹاپ کلاس بلے باز بابراعظم کو 3 بار آئوٹ کرچکے ہیں۔

بابراعظم کیخلاف کامیابی ملنے اور انھیں آئوٹ کرنے کے سوال کا جواب دیتے ہوئے انھوں نے کہا کہ میں بابر کے ساتھ پاکستان ٹیم میں بھی کھیل چکا ہوں اور وہاں بھی انھیں بولنگ کی ہے۔

(جاری ہے)

انھوں نے کہا کہ کوشش ہوتی ہے کہ بابراعظم کی وکٹ حاصل کی جائے کیوں کہ ان کی وکٹ کافی اہم وکٹ ہے، وہ گزشتہ میچ میں اچھی اننگز کھیل رہے تھے اور 43 رنز بناچکے تھے۔

کراچی کنگز کے آل رائونڈر نے کہا کہ ایسا بیٹر جسے دنیا مان رہی ہے اور وہ سیٹ لگ رہا ہو تو وہ بیٹر آپ کی ٹیم سے میچ کو دور لے جاتا ہے۔

خوشدل شاہ کا کہنا تھا کہ اس وقت ہماری کوشش ہوتی ہے کہ ایک دو اوور میں بابراعظم کو آئوٹ کریں ورنہ ہمارے لیے میچ مشکل ہوجائے گا۔