Live Updates

شعیب اختر نے محمد عامر کو پاکستان کرکٹ کا اثاثہ قرار دے دیا

میں ڈیوڈ وارنر سے مار کھا رہا تھا لیکن جب عامر آئے تو وارنر کو کچھ پتا نہیں تھا کہ وہ آگے جائیں یا پیچھے : سابق سپیڈ سٹار کا انٹرویو

ذیشان مہتاب اتوار 27 اپریل 2025 12:40

شعیب اختر نے محمد عامر کو پاکستان کرکٹ کا اثاثہ قرار دے دیا

راولپنڈی (اردو پوائنٹ تازہ ترین اخبار ۔ 27 اپریل 2025ء) سابق اسپیڈ اسٹار شعیب اخٹر نے محمد عامر کو پاکستان کرکٹ کا اثاثہ قرار دے دیا۔

49 سالہ سابق فاسٹ بولر شعیب اختر نے محمد عامر کی تعریف کرتے ہوئے انہیں پاکستان کے بہترین فاسٹ بولرز میں سے ایک قرار دیا ہے۔

انہوں نے آسٹریلیا کے خلاف میچ کو یاد کرتے ہوئے عامر کی تعریف کی جہاں انہوں نے اپنی سوئنگ بولنگ سے وارنر کو حیران کردیا تھا۔

شعیب اختر نے کہا کہ میں ڈیوڈ وارنر سے مار کھا رہا تھا لیکن جب عامر آئے تو وارنر کو کچھ پتا نہیں تھا کہ وہ آگے جائیں یا پیچھے، وہ عامر کی سوئنگ یا رفتار کو نہیں پڑھ سکتا تھا۔

سابق فاسٹ بولر نے کہا کہ محمد عامر کا جو معیار اس وقت تھا وہی آج بھی ہے، انہوں نے کہا کہ محمد عامر میچ کے حالات کو سمجھتا ہے اور اس کے مطابق بولنگ کرتا ہے، وہ بخوبی جانتا ہے کہ کس لائن اور لینتھ سے بولنگ کرنی ہے اور فیلڈ کو کیسے ترتیب دینا ہے۔

(جاری ہے)

شعیب اختر نے کہا کہ عامر ہمیشہ ہر میچ سے پہلے تین سے چار اوورز کرتا ہے، وارم اپ سیشنز کے دوران بولنگ کا تجزیہ کرتا ہے، اپنی صلاحیتوں کو نکھارنا اس کا معمول ہے۔

انہوں نے مزید کہا کہ اگر انتظامیہ کھلاڑیوں کے درد اور ضروریات کو نہیں سمجھ سکتی تو آپ کو عہدے پر رہنے کا کوئی حق نہیں ہے۔