جلد وائٹ بال میں بھی ایکشن میں نظر آؤں گا: ساجد خان

کوچ عبدالرحمان کے ساتھ سپن بولنگ کے شعبے پر کام ہو رہا ہے، میں آرم بال اور کریز کے استعمال پر کام کر رہا ہوں : آف سپنر

ذیشان مہتاب جمعرات 3 جولائی 2025 12:00

جلد وائٹ بال میں بھی ایکشن میں نظر آؤں گا: ساجد خان

لاہور (اردو پوائنٹ تازہ ترین اخبار ۔ 3 جولائی 2025ء ) پاکستان ٹیسٹ ٹیم کے اسپنر ساجد خان کا کہنا ہے کہ میں وائٹ بال پر بہت کام کر رہا ہوں جلد وائٹ بال میں بھی ایکشن میں نظر آوں گا میری خواہش ہے کہ پی ایس ایل سمیت تمام وائٹ بال کرکٹ کھیلوں۔

نیشنل کرکٹ اکیڈمی (این سی اے) میں اسکلز ڈویلپمنٹ کیمپ کے موقع پر میڈیا سے گفتگو کرتے ہوئے اسپنر ساجد خان نے کہا کہ مجھے کہا گیا ہے کہ مجھے وائٹ بال بھی سوٹ کرتی ہے میں اسی مطابق بولنگ کر رہا ہوں۔

ساجد خان نے کہا کہ کوچ عبدالرحمان کے ساتھ اسپن بولنگ کے شعبے پر کام ہو رہا ہے، میں آرم بال اور کریز کے استعمال پر کام کر رہا ہوں، ٹیسٹ کھیلنا اعزاز کی بات ہے، میں نے وائٹ بال سے اپنے کیرئیر کا آغاز کیا۔

اپنی بات کو جاری رکھتے ہوئے ساجد خان نے کہا کہ میری خواہش ہے کہ زیادہ ٹیسٹ میچز ہوں تاکہ ہماری رینکنگ بہتر ہو اور ہمارا جیسا سرکل ہے مجھے امید ہے کہ ہم ٹیسٹ چیمپئن شپ کا فائنل کھیلیں گے۔

(جاری ہے)