Live Updates

کوریا امپورٹ فئیر میں شرکت کے لئے 9مئی تک درخواستیں طلب

پیر 28 اپریل 2025 15:44

اسلام آباد (اُردو پوائنٹ اخبارتازہ ترین - اے پی پی۔ 28 اپریل2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ جنوبی کوریا میں منعقد ہونے والی بین الاقوامی تجارتی نمائش ’’ کوریا امپورٹ فئیر 2025 ‘‘میں شرکت کے لئے9مئی تک درخواستیں جمع کرائی جا سکتی ہیں ۔

(جاری ہے)

ٹی ڈی اے پی کی جانب سے جاری تفصیلات کے مطابق نمائش جنوبی کوریا میں 7جولائی سے9 جولائی تک جاری رہے گی جس میں الیکٹرانک آلات ، مشینری، فوڈ ، بیورجز ، ٹیکسٹائل ، دستکاری ، جیولری ، ٹریڈ اینڈ ٹریول سروسز ، کاسمیٹکس ، کھیلوں کا سامان ، ہوم ڈیکوریشن اور خام مال سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں ۔