Live Updates

تجارتی نمائش’’ 9ویں سلک روڈانٹرنیشنل ایکسپوزیشن ‘‘میں شرکت کے لئے کل تک درخواستیں طلب

پیر 28 اپریل 2025 15:45

اسلام آباد (اُردو پوائنٹ اخبارتازہ ترین - اے پی پی۔ 28 اپریل2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ چین میں منعقد ہونے والی بین الاقوامی تجارتی نمائش ’’ 9ویں سلک روڈانٹرنیشنل ایکسپوزیشن ‘‘میں شرکت کے لئےکل( 29 اپریل )تک درخواستیں جمع کرائی جا سکتی ہیں ۔

(جاری ہے)

ٹی ڈی اے پی کی جانب سے جاری تفصیلات کے مطابق نمائش چین میں 21مئی سے 25مئی تک جاری رہے گی جس میں ایپرل ، فیبرکس ، لیدر ہوم ٹیکسٹائل، زراعت ، چاول ، ڈیری ، بیف ، پیٹروکیمیکل ، آلات جراحی ، آٹو پارٹس اور ای وی سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔

نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں ۔