ڈی جی سپورٹس خضرافضال چودھری کی زیر صدارت سپورٹس ڈیپارٹمنٹ کے انتظامی امور بارے اہم اجلاس

سپورٹس کی ترقی کیلئے بہترین مینجمنٹ ضروری ہے،صفائی سٹاف کی تعداد میں اضافہ کیا جائے گا‘ڈی جی سپورٹس پنجاب

منگل 29 اپریل 2025 19:12

لاہور (اُردو پوائنٹ اخبارتازہ ترین - این این آئی۔ 29 اپریل2025ء) ڈائریکٹرجنرل سپورٹس پنجاب خضرافضال چودھری کی زیر صدارت سپورٹس ڈیپارٹمنٹ کے انتظامی امور بارے اہم اجلاس منعقد ہوا ۔ منگل کے روز نیشنل ہاکی سٹیڈیم میں ہونے والے اجلاس میں ڈائریکٹرایڈمن ڈاکٹرمحمد کلیم، ڈائریکٹر سپورٹس راناندیم انجم اورنشترپارک سپورٹس کمپلیکس کے تمام ایڈمنسٹریٹرز نے اجلاس میں شرکت کی ۔

(جاری ہے)

ڈی جی سپورٹس خضرافضال چودھری نے تمام ایڈمنسٹریٹرز کو ایک ہفتے میں صفائی کرانے کی ڈیڈلائن اور سپورٹس بورڈ پنجاب میں نیا سٹور ہال مختص کرنے کی ہدایت کی ۔انہوں نے خطاب کرتے ہوئے کہا کہ تمام ایڈمنسٹریٹرز صفائی کے لئے ہرممکن اقدامات کریں،سپورٹس ڈیپارٹمنٹ کے تمام دفاتر میں ڈسپلن نظر آنا چائیے، سپورٹس کی ترقی کیلئے بہترین مینجمنٹ ضروری ہے،صفائی سٹاف کی تعداد میں اضافہ کیا جائے گا۔