معدنیات بل میں واضح ہے کسی کو بھی صوبے کا اختیار نہیں دیا جا رہا،علی امین گنڈاپور

بدھ 30 اپریل 2025 19:45

پشاور (اُردو پوائنٹ اخبارتازہ ترین - این این آئی۔ 30 اپریل2025ء)وزیرِ اعلیٰ خبیر پختون خوا علی امین گنڈاپور نے کہا ہے کہ معدنیات بل میں واضح ہے کسی کو بھی صوبے کا اختیار نہیں دیا جا رہا۔مجوزہ معدنیات قانون سے متعلق اپنے بیان میں انہوں نے کہا کہ معدنیات بل سے متعلق سوشل میڈیا پر مفروضے چل رہے ہیں۔

(جاری ہے)

علی امین گنڈاپور کے مطابق جس کو سمجھ آتی ہے وہ بل خود پڑھ لیں، جس کو سمجھ نہیں آتی وہ کسی وکیل کے ساتھ بیٹھ جائیں، خصوصی سرمایہ کاری سہولت کونسل اور نہ ہی وفاقی حکومت کو اختیار دیا جا رہا ہے۔

وزیرِ اعلیٰ خبیر پختون خوا نے کہا کہ آپ لوگوں نے بل پڑھا ہی نہیں اور مفروضوں پر بیانیہ بنا لیا ہے۔انہوںنے کہا کہ اصلاحات کے بغیر بھی مائنز اینڈ منرلز کا ریونیو ساڑھے 3 ارب بڑھایا ہے، بل میں ترمیم کی ضرورت پڑی تو کرلیں گے۔