مدینہ منورہ، عازمین کے لیے اردو سمیت مختلف زبانوں میں آگاہی مہم

ہفتہ 3 مئی 2025 12:00

ریاض (اُردو پوائنٹ اخبارتازہ ترین - اے پی پی۔ 03 مئی2025ء) مدینہ منورہ امور صحت کی جانب سےعازمین حج کے لیے اردو سمیت مختلف زبانوں میں آگاہی مہم کا آغاکیا گیا ہے۔ اردو نیوز کے مطابق ریجنل امور صحت کے ترجمان عبدالرحمان حمودہ نے بتایا کہ صحت آگاہی مہم کا آغاز یکم ذالقعدہ سے وزارت حج وعمرہ اور مدینہ ترقیاتی اتھارٹی کے تعاون سے کیا گیا ہے ۔

(جاری ہے)

آگاہی مہم کے تحت مختلف مقامات پر ڈیجیٹل سکرینز نصب کی گئی ہیں جن میں مدینہ منورہ کے شہزادہ محمد بن عبدالعزیز انٹرنیشنل ایئرپورٹ ، ریلوے سٹیشن کے علاوہ مختلف علاقوں میں موجود صحت مراکز شامل ہیں۔ترجمان نے کہا کہ آگاہی مختلف زبانوں میں فراہم کی جا رہی ہے جن میں اردو، انگلش، عربی اور فرانسیسی شامل ہے۔ آگاہی پیغامات کے دائرہ کووسیع کرتے ہوئے عازمین حج کی رہائشی عمارتوں اور مختلف ہوٹلوں میں بھی یہ سہولت فراہم کی گئی ہے۔ تحریر کے علاوہ تصاویر کی شکل میں بھی آگاہی فراہم کرنے کا سلسلہ جاری ہے تاکہ عازمین حج رہنما اصولوں پر عمل کرتے ہوئے اپنی صحت کا خیال رکھیں۔