سعودی عرب کا کینیڈا اور مالٹا کی طرف سے فلسطینی ریاست کو تسلیم کرنے کے اعلان کا خیرمقدم

جمعہ 1 اگست 2025 13:09

ریاض(اُردو پوائنٹ اخبارتازہ ترین - این این آئی۔ 01 اگست2025ء)سعودی عرب نے کینیڈا اور مالٹا کی طرف سیفلسطینی ریاست کو تسلیم کرنے کے اعلان کا خیرمقدم کیا ہے اور دوسرے ممالک پر بھی اس کی پیروی کرنے پر زور دیا ہے۔

(جاری ہے)

عرب ٹی وی کے مطابق دونوں ممالک کی طر ف سے کہا گیا ہے کہ وہ آئندہ ماہ اقوامِ متحدہ کی جنرل اسمبلی کے اجلاس کے موقع پر فلسطینی ریاست کو تسلیم کرنے کا ارادہ رکھتے ہیں۔سعودی عرب کی وزارتِ خارجہ نے ایکس پر بیان میں کہا کہ مملکت دو ریاستی حل کے استحکام کا باعث بننے والے ایسے مثبت فیصلوں کی سراہتی ہے ۔ سعودی عرب دوسرے ممالک سے امن کی حمایت پر مبنی ایسے سنجیدہ اقدامات کے لیے اپنے مطالبے کا اعادہ کرتا ہے ۔