فرنچ اوپن ٹینس ٹورنامنٹ کا باضابطہ آغاز 25مئی سے فرانس میں ہوگا

میگا ایونٹ میں مینز سنگلز، ویمنز سنگلز، مینز ڈبلز ویمنز ڈبلز اور مکسڈ ڈبلز سمیت دیگر مقابلے ہوں گے

منگل 6 مئی 2025 12:29

فرنچ اوپن ٹینس ٹورنامنٹ کا باضابطہ آغاز 25مئی سے فرانس میں ہوگا

پیرس(اُردو پوائنٹ اخبارتازہ ترین - این این آئی۔ 06 مئی2025ء)رواں برس کے دوسرے بڑے گرینڈ سلام فرنچ اوپن ٹینس ٹورنامنٹ کا 124 واں ایڈیشن 25مئی سے فرانس کے دارالحکومت پیرس میں شروع ہوگا۔ ٹورنامنٹ کا کوالیفیکیشن رائونڈ 19 مئی سے شروع ہوگا۔میگا ایونٹ کے کامیاب انعقاد کے لئے تیاریاں عروج پر ہیں۔ میگا ایونٹ کلے کورٹ پر کھیلا جائے گا جس میں دنیائے ٹینس کے نامور کھلاڑی ٹائٹل کے حصول کے لئے ایکشن میں نظر آئیں گے۔

میگا ایونٹ میں مینز سنگلز، ویمنز سنگلز، مینز ڈبلز ویمنز ڈبلز اور مکسڈ ڈبلز سمیت دیگر مقابلے ہوں گے۔

(جاری ہے)

مردوں کے سنگلز مقابلوں میں ہسپانوی نامور ٹینس سٹار کارلوس الکاراز اپنے اعزاز کا دفاع کریں گے جبکہ خواتین کے سنگلز مقابلوں میں پائولش ٹینس سٹا آئیگا سوئیٹک اپنے اعزاز کا دفاع کریں گی۔ اسی طرح مینز ڈبلز مقابلوں میں سلواڈورین کھلاڑی مارسیلو آریوالو اور ان کے کروشین جوڑی دار مارین کلک اپنے اعزاز کی بقا کے لئے کوشاں ہوگی۔ویمنز ڈبلز مقابلوں میں امریکی ٹینس سٹار کوکوگف اور ان کی جمہوریہ چیک کی جوڑی دار کیٹرینا سینیاکووا اپنے ٹائٹل کے دفاع کے لئے پنجہ آزمائی کرے گی۔رواں سال کا دوسرا میگا ایونٹ 25 مئی سے شروع ہوکر 8جون کو اختتام پذیر ہوگا۔