ڈی جی حج عبدالوہاب سومرو کی سربراہی میں مکہ مکرمہ کے حج انتظامات کی تیاریاں عروج پر پہنچ گئیں

منگل 6 مئی 2025 17:44

مکہ مکرمہ(اُردو پوائنٹ اخبارتازہ ترین - این این آئی۔ 06 مئی2025ء)ڈی جی حج عبدالوہاب سومرو کی سربراہی میں مکہ مکرمہ کے حج انتظامات کی تیاریاں عروج پر پہنچ گئیں ۔

(جاری ہے)

ڈی جی حج عبدالوہاب سومرو نے کوآرڈینیٹر مکہ ذوالفقار خان، ڈائریکٹر حج مکہ عزیز اللہ خان و دیگر معاونین حج کے ہمراہ رہائشی عمارتوں کا دورہِ کیا ،ڈی جی حج نے رہائشی کمروں، ڈائننگ ہالز، لفٹس اور صفائی ستھرائی کا جائزہ لیا۔

ڈی جی حج نے عازمین حج کی سہولت و تعاون، رہنمائی اور شکایات کے ازالہ سے متعلق ضروری ہدایات جاری کیں۔ عبد الوہاب سومرو نے کہاکہ عازمین حج کی آمد سے قبل تمام سہولیات کی موجودگی کو یقینی بنا رہے ہیں،مکہ مکرمہ میں عازمین حج کی آمد 7 مئی سے شروع ہو گی۔ عبد الوہاب سومرو نے کہاکہ حج آپریشن کامیابی سے اپنے دوسرے مرحلے کی طرف گامزن ہے۔