اسرائیل نے غزہ میں 60 روزہ جنگ بندی پر اتفاق کرلیا ہے، ٹرمپ

ساٹھ روز کے دوران جنگ کے مکمل خاتمے کے لیے تمام پارٹیز کے ساتھ مل کر کام کریں گے،بیان

بدھ 2 جولائی 2025 14:20

اسرائیل نے غزہ میں 60 روزہ جنگ بندی پر اتفاق کرلیا ہے، ٹرمپ

واشنگٹن (اُردو پوائنٹ اخبارتازہ ترین - این این آئی۔ 02 جولائی2025ء)امریکی صدر ڈونلڈ ٹرمپ نے کہا ہے کہ اسرائیل نے غزہ میں 60 روزہ جنگ بندی کو حتمی شکل دینے کے لیے شرائط سے اتفاق کیا ہے۔

(جاری ہے)

میڈیارپورٹس کے مطابق اپنے سوشل میڈیا بیان میں ڈونلڈ ٹرمپ نے کہا کہ میرے نمائندوں کی اسرائیلی حکام سے غزہ کی صورتحال پرطویل و نتیجہ خیز ملاقات ہوئی ہے۔ان کا کہنا تھا کہ ساٹھ روز کے دوران جنگ کے مکمل خاتمے کے لیے تمام پارٹیز کے ساتھ مل کر کام کریں گے۔میڈیا سے گفتگو کے دوران صحافی نے سوال کیا کہ کیا سات جولائی کو نیتن یاہو کے وائٹ ہائوس کے دورے سے پہلے غزہ میں جنگ بندی ہوسکتی ہی صدر ٹرمپ نے کہا انھیں امید ہے کہ ایسا ہونے والا ہے، ہم اگلے ہفتے تک ایسا ہونے کی تلاش میں ہیں۔