انگلش پریمیئر فٹ بال لیگ میں10مئی کو مزید 5میچ کھیلے جائیں گے

بدھ 7 مئی 2025 15:57

لندن (اُردو پوائنٹ اخبارتازہ ترین - اے پی پی۔ 07 مئی2025ء) انگلش پریمیئر فٹ بال لیگ میں 10 مئی کومزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ فلہم اور ایورٹن کی ٹیموں کے درمیان کریون کاٹیج، لندن کے مقام پر کھیلا جائے گا،دوسرا میچ ایپسوچ ٹائون اور برینٹ فورڈ کی ٹیموں کے درمیان پورٹ مین روڈ، ایپسوچ کے مقام پر کھیلا جائے گا،تیسرے میچ میں سائوتھمپٹن اور دفاعی چیمپئن مانچسٹرسٹی کی ٹیمیں آمنے سامنے ہوں گی اور یہ میچ سینٹ میری سٹیڈیم ،سائوتھمپٹن میں کھیلا جائے گا۔

چوتھا میچ وولور ہیمپٹن اور برائٹن اینڈ ہوو البیون کی ٹیموں کے درمیان مولینکس سٹیڈیم، وولور ہیمپٹن میں کھیلا جائے گاجبکہ 10مئی بروز ہفتہ کا پانچواں اور آخری میچ بورن مائوتھ اور آسٹن ولا کی ٹیموں کے درمیان وائٹلٹی سٹیڈیم، بورن مائوتھ کے مقام پر کھیلا جائے گا۔

(جاری ہے)

انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔

ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔\932

Facebook Twitter Google + Share on Whatsapp

انگلش پریمیئر فٹ بال لیگ میں10مئی کو مزید 5میچ کھیلے جائیں گے

مزید کھیلوں کی خبریں