سیمنٹ کی برآمدات میں جاری مالی سال کے پہلے 10ماہ میں 29فیصداضافہ

بدھ 7 مئی 2025 17:39

اسلام آباد (اُردو پوائنٹ اخبارتازہ ترین - اے پی پی۔ 07 مئی2025ء) ملک سے سیمنٹ کی برآمدات میں جاری مالی سال کے پہلے 10ماہ میں سالانہ بنیادوں پر29فیصداضافہ ریکارڈکیاگیاہے۔

(جاری ہے)

آل پاکستان سیمنٹ مینوفیکچررزایسوسی ایشن کے اعدادوشمارکے مطابق مالی سال کے پہلے 10ماہ میں سیمنٹ کی برآمدات کاحجم 7359000ٹن ریکارڈکیاگیا جوگزشتہ مالی سال کی اسی مدت کے مقابلہ میں 29فیصدزیادہ ہے، گزشتہ مالی سال کی اسی مدت میں سیمنٹ کی برآمدات کاحجم 5714000ٹن ریکارڈکیاگیاتھا،اپریل میں 826000ٹن سیمنٹ کی برآمدات ریکارڈکی گئی جوگزشتہ سال اپریل کے مقابلہ میں 35فیصدزیادہ ہے، گزشتہ سال اپریل میں 614000ٹن سیمنٹ کی برآمدات ریکارڈکی گئی تھیں۔

مارچ کے مقابلہ میں اپریل میں سیمنٹ کی برآمدات میں ماہانہ بنیادوں پر36فیصداضافہ ہواہے، مارچ میں سیمنٹ کی برآمدات کاحجم 609000ٹن ریکارڈکیاگیاتھا۔