sافغانستان میں شطرنج کے کھیل پر مکمل پابندی عائد کر دی گئی

شریعت کے مطابق شطرنج کو جوئے کا ذریعہ سمجھا جاتا ہے جو ہمارے اخلاقی ضابطہ قانون کے تحت ممنوع ہے،حکومتی ترجمان

پیر 12 مئی 2025 20:40

ط*کابل (اُردو پوائنٹ اخبارتازہ ترین - آن لائن۔ 12 مئی2025ء)طالبان حکومت نے افغانستان بھر میں شطرنج کے کھیل پر مکمل پابندی عائد کر دی، جسے انہوں نے اسلامی شریعت کے تحت جوا قرار دیا ہے۔ افغان حکومتی ترجمان کا کہنا ہے کہ شطرنج میں شرعی طور پر قابل اعتراض پہلو پائے جاتے ہیں، جنہیں دور کیے جانے تک اس کھیل کو معطل رکھا جائے گا۔

(جاری ہے)

افغان اسپورٹس ڈائریکٹوریٹ کے ترجمان اطل مشوانی نے فرانسیسی خبر رساں ادارے سے گفتگو کرتے ہوئے کہا کہ شریعت کے مطابق شطرنج کو جوئے کا ذریعہ سمجھا جاتا ہے جو کہ ہمارے اخلاقی ضابطہ قانون کے تحت ممنوع ہے۔

انہوں نے مزید کہا کہ افغانستان کی قومی شطرنج فیڈریشن گزشتہ 2 سال سے غیر فعال ہے اور قیادت کے مسائل کا شکار ہے۔کابل کے ایک مقامی کیفے کے مالک عزیزاللّٰہ گلزادہ جو شطرنج مقابلوں کا انعقاد کیا کرتے تھے انہوں نے فیصلے پر مایوسی کا اظہار کرتے ہوئے کہا کہ آج کل نوجوانوں کے پاس مصروفیت کے مواقع کم ہیں، شطرنج ان کیلیے ذہنی تفریح کا ذریعہ تھا اب یہ بھی بند کر دیا گیا ہے۔