Live Updates

میانمارمیں سکول پر فوجی رجیم کا فضائی حملہ،17افرادہلاک

ممکن ہے کہ بعض لوگ حملے کے بعد لاپتہ ہوگئے ہوں،ہلاک شدگان کی تعدادزیادہ ہوسکتی ہے،این یوجی

منگل 13 مئی 2025 12:29

ینگون(اُردو پوائنٹ اخبارتازہ ترین - این این آئی۔ 13 مئی2025ء)میانمار کی خفیہ حکومت نے کہا کہ پیر کو فوجی حکومت کے فضائی حملے میں حزبِ اختلاف کے زیرِ قبضہ علاقے میں ایک سکول میں کم از کم 17 طلبا ہلاک اور 20 دیگر زخمی ہو گئے حالانکہ تباہ کن زلزلے کے بعد جنگ بندی نافذ ہے۔

(جاری ہے)

میڈیارپورٹس کے مطابق خفیہ نیشنل یونٹی گورنمنٹ (این یو جی)کے زیرِ انتظام ساگانگ علاقے میں وسطی میانمار کے قصبے ڈیپاین میں واقع یہ سکول منڈالے سے تقریبا 160 کلومیٹر (100 میل) شمال میں ہے اور 28 مارچ کے زلزلے کے مرکز سے زیادہ دور نہیں ہے۔

این یو جی کے ترجمان نے فون لاٹ نے کہاکہ "ہمارے پاس موجود اب تک کی معلومات کے مطابق 17 طلبا ہلاک اور 20 زخمی ہوئے ہیں۔ ممکن ہے کہ بعض لوگ بم سے ہونے والے نقصان کی وجہ سے لاپتہ ہو گئے ہوں اس لیے ہلاک شدگان کی تعداد زیادہ ہو سکتی ہے۔"